【窗口式冷氣機】窗口式冷氣機保養知識你要知:基本清洗、使用貼士

冷氣機作為長期服務成員,定期進行保養又點可以缺少!不過講到窗口式冷氣機保養,你又知幾多?出面成日講加雪種,又係唔係必要?冷氣機唔凍,係唔係就係壞咗要換?唔洗怕,窗口式冷氣機保養其實無你諗到咁複雜,依家就同大家講下有關嘅知識啦!

清洗窗口式冷氣機

基本家居窗口式冷氣機清洗

人每日都要沖涼,更何況係冷氣。窗口式冷氣機唔凍,其中一個原因係冷氣機隔塵網積聚太多塵埃污垢,影響冷氣機嘅製冷運作,大大降低製冷效果,增加耗電量。如果長期無進行清潔,好容易會產生霉味及臭味,

家居嘅一般嘅清潔方法係拆除窗口式冷氣機嘅隔塵網進行清洗,另外你可以使用家居冷氣機清潔劑,進行消毒、除菌嘅深層清潔。不過部分冷氣機嘅隔塵網會使用到特殊物料,例如Hitachi嘅WASABI 納米鈦空氣過濾網,係清潔嘅時候就要留意是否適合使用清潔劑,因為有機會損壞隔塵網功能。

窗口式冷氣機

請冷氣機師傅作深層清潔

清潔隔塵網只係好表面嘅窗口式冷氣機清潔。除咗隔塵網,冷氣機嘅內部機件,例如冷凝器盤管,其實都會積聚污垢,一樣要進行清潔。當然專業服務要交俾專業人士,切莫自行拆解冷氣機進行清洗,因為好容易整壞部窗口式冷氣機,一唔小心仲會釀成意外。

冷氣機師傅會幫你拆除電線,卸下機殼,根據需要,有時需要降整部窗口式冷氣機拆下帶走清潔。清潔完成、晾乾後,會重新幫你裝嵌到原本嘅位置。

冷氣機清潔劑

日常窗口式冷氣機使用貼士

除了要幫窗口式冷氣機定時定候清洗外,在使用冷氣機的情況下,其實有些方法可以令冷氣機襟啲、用得耐啲。
首先,除左夏天開冷氣之外,冬天都需要!所謂唔用嘅野就會生鏽,冷氣機都一樣,你可以在冬天都不時開一開冷氣,等冷氣機內的零件有機會運作下,間接延長冷氣機嘅壽命。除此之外,剛才上文有教大家如何清洗窗口式冷氣機,其實到了夏天,最理想是每兩至四個星期清洗一次隔塵網,經常保育清潔!

看畢以上的保養方法,是不是讓你加深了對窗口式冷氣機保養的知識呢?就在這個夏天開始,用心為冷氣機保養吧!

Leave a Reply

Your email address will not be published.