【冷氣機比較】買邊部冷氣機好?三步曲教你如何比較冷氣機

買冷氣邊部好?冷氣機比較?剩係睇下個款?對比下價錢?錯!錯!錯!要買到性價比高又實用嘅冷氣機,又點可以咁樣做冷氣機比較。雖然講到好似好深奧咁,但實際上只要好好留意以下幾項,你都可以輕鬆成為冷氣機比較達人!

冷氣機種類

一般可以將冷氣機分成以下3種:窗口式冷氣機、分體式冷氣機、窗口分體式冷氣機。唔同機種嘅製冷能力、耗電量、安靜程度,仲有最重要嘅價錢,有極大差別。所以喺購買冷氣機之前,最基本嘅冷氣機比較就係了解認識3種冷氣機種嘅長短處,決定好要購買嘅機種,再作進一步冷氣機比較。

簡單講下3種冷氣機嘅特點:

窗口式冷氣機:安裝簡易、方便、有明顯製冷運作噪音

分體式冷氣機:安裝費用較高、安靜

窗口分體式冷氣機:針對墻身安裝面積有局限的家居、安靜、安裝費用較高

能源效益級數

能源效益嘅初衷係為咗保護及維持一個綠色生活環境,協助市民大眾了解電器的能源有效運用程度。咁樣講或者大家會覺得糊里糊塗,簡單咁講,能源效益標籤可以幫助你了解到電器耗電程度。更加直白咁講,就係可以幫你慳到幾多電費!能源效益標籤分5級(1至5級),1級為能源效益表現最好,可以大大降低不必要嘅耗電量。

所以做冷氣機比較嘅時候,一定要細心留意貼喺冷氣機上面嘅能源效益標籤,咁樣可以幫你篩選出最慳電嘅冷氣機。

冷氣機額外功能

香港地空氣過敏原何其多,鼻敏感人士周街都係。依家市面上唔少冷氣機都伴有除製冷之外嘅額外功能,例如空氣淨化、過敏原吸附過濾等功能。喺冷氣機比較嘅時候,切莫純粹一味在乎價錢高低,冷氣機額外功能越多,價錢越高,乃尋常之事。

喺選擇冷氣嘅時候都要細心留意冷氣機提供嘅額外功能,根據自己嘅需要作出選擇。例如Hitachi日立冷氣機如別的傳統冷氣機不同,設左右送風功能,能夠全面將凍風送達家中每一個角落,另外獨有的WASABI 納米鈦空氣過濾網,有效減少空氣細菌,有助抗敏。鼻敏感嘅人士喺選擇及比較冷氣機時,就可以細心留意呢啲額外功能嘅特色。

冷氣機額外功能

喺冷氣機比較時,通過以上3步,其實基本就可以幫你揀選出合適自己嘅冷氣機。不過當然,除了以上3點,作冷氣機比較時仲有好多需要留意嘅元素,例如家居面積、冷氣機擺放位置、定頻變頻之分,我哋可以由淺入深,一步一步慢慢了解箇中學問!大家記得緊密留意隨後嘅格價Tips!

Leave a Reply

Your email address will not be published.